Paris, 10 December : Jamaica laga Olympic discus champion Roje Stona ase 14 jon athletes modot juntu NFL team laga contract jeetibo karone American football organisation laga international player pathway (IPP) programme 2025 te participate koribo.
Stona, juntu Paris Games te 70 metres throw kori gold jeetise, May te Green Bay Packers aru New Orleans Saints laga rookie minicamps te invite hoise.
University of Arkansas laga former track aru field athlete hoile bhi, Stona college te competitively American football khelanai, aru tai jane ki sport te transition koribo bishi difficult hobo.
Fiji, France, Germany, Ireland, New Zealand, South Africa, United Kingdom aru Zimbabwe pora ahi thaka 14 jon athletes January te Florida te ekta 10-haafta laga training camp te part lobo, aru March te NFL scouts k impress koribo try koribo.
Wallabies laga centre Jordan Petaia kobo pichila hafta ki tai rugby union pora side te jai NFL deal pursue koribo laga plan ase IPP pora.
2017 te launch hoar pora, world wide 41 athletes NFL teams te join korise programme laga maddom pora. Australia laga Jordan Mailata (Philadelphia Eagles) include kori 6 jon players aji NFL rosters te active ase.
Add Comment