Shillong, 10 December : Meghalaya Anti-Narcotics Task Force (ANTF) ekta meeting rakhe Monday te, Chief Minister Conrad Sangma laga chairmanship te, state te drug eradication laga roadmap discuss koribo nimite. Meeting te “Three-Pronged Approach” niye detailed discussion hoise, jikhane Law Enforcement, police department, Health department pora harm reduction aru Social Welfare department pora Social Security laga role thakise.
Meeting te ANTF laga structure, functions aru processes te change discuss korise aru proposed strategy aru assistance lagibo ki departments laga help, like Law, Health, Education aru Social Welfare departments, share korise. Chief Minister Conrad Sangma apunar comments te holistic approach laga importance janai dise, aru ANTF ke sob concerned departments logot baithak rakhise aru strategy implementation phase-wise plan aru short term, medium aru long term plans laga action plan banai work kuribo laga kotha dise.
Chief Minister Education department laga role te emphasis dise, drug abuse ke against awareness aru sensitization create koribo.
Meeting te testing, detoxing aru rehabilitation centers laga strategies aru state te drug supply chain break koribo kotha discuss hoise. Deputy Chief Minister Prestone Tynsong, Health & Family Welfare Minister M. Ampareen Lyngdoh, Education Minister Rakkam Sangma, Social Welfare Minister Paul Lyngdoh aru Meghalaya DG Idashisha Nongrang aru state government laga senior officials bhi meeting te uposthit thakise.
Add Comment