Manipur, December 12, 2024: December 11, 2024, Wednesday din te, Manipur Police aru Assam Rifles khan mili kina operation kurishe koishe, aru yete taikhan 3da active cadres of People’s Revolutionary Party of Kangleipak (PREPAK)- Pro khan ke arrest kurishe koishe.
Yete arrest kurea manu laga nam khan toh Nambram Indrajit Singh (22), Rajkumar Mohen Sana (21) aru Warepam Albert Meitei Thoi (21) khan ke Thoubal District laga Thoubal Athokpam para durishe koishe. Taikhan manu ke damki di thakhishe koishe aru banduk khan bi thakhishe koishe.
Arrest kurea laga homoi te, Security forces khan saman kunba paishe, yete ekta HE (High Explosive) haat laga grenade, Pasta damki dikina mangea laga letter, 3DA Mobile Phones aru active Sim Cards aru ekta Honda laga Motorcycle.
Yete durea laga saman aru 3da jun kebi Manipur Police khan laga haat te dali dishe, yete taikhan aru investigate khan kuribole nimete.
Add Comment