Agartala, December 13, 2024: Yete bishi bia chinis Drug Addiction State laga, Jawan Chokra toh 24 Saal he ase koishe, tai toh tai nijor ke rosi para hang kuri kina murishe koishe, Tailaga living room te he, Etu toh East Agartala Police Station laga bitor jaga Chandrapur te.
Police khan para koishe ki, etu chokra laga nam toh Sagar Roychowdhury ase koishe aru tai toh 24 saal chokra ase, tai toh poila te English-Medium laga student ase koishe ‘Shiksha Niketan’ School laga, aru tai toh bishi bhal student thakhishe koishe, hoilebi tai drugs laga addiction te girishe koishe, tai class 10 thakhea homoi te.
Tai laga ama aru baba toh Subal Roychowdhury aru Shampa Roychowdhury ase, aru tai jun toh tailaga bacha ke drug addiction para hatabole khushis kurishe koishe, wapas normal manu nishina hobole dibole. Hoilebi Sagar toh ghor para poisa khan chor kurea suru hoishe koishe, yete daam aru khatarnak ‘Brown Sugar’ Drugs toh kinibole.
Aru taike rehab centre tebi bishi bar pathai she koishe, hoilebi wapas ahi kina drug toh aru khai koishe, aru ja kali tai nijor ke murai dishe koishe, Rosi para fan te hang kuri kina tai laga living room te.
Add Comment