Mizoram: Champhai Te Heroin Drugs Kurishe Rs 25 Lakh Laga, Ekjun Ke Arrest Kurishe

Mizoram, December 15, 2024:  December 13, Friday din te, Mizoram laga Excise aru Narcotics Department khan aru Assam Rilfes khan mili kina, taikhan Heroin Drugs Rs 25 lakh laga saman durishe koishe, yete Champhai laga Zote jaga phane. Yete ekjun ke durishe koishe. Etu manu lagan am toh Joseph Lalmuansanga ase koishe, aru tai toh 25 saal laga chokra asekoishe, aru tai toh Zotlang te thakhea koishe. Release te koishe ki, Operation toh kurishe koishe, yete taikhan khobor huni kina, aru duribole parishe koishe. Yete durea manu ke Champhai laga Excise aru Narcotics Department khan laga haat te didishe koishe. Yete aru investigate kuribole nimete. Aru koishe ki, etea hoa laga bia saman khan thakhea toh, State of Mizoram aru India khan karne chinta ase koishe.