Itanagar, December 20, 2024: December 18 din te, Nirjuli Police khan para Nor Seeh Peso Ke arrest kurishe, tai toh 27 saal chokra ase koishe. Tai toh Keti Panyor District laga Raka Bosti para ase koishe, Tai toh UPI fraud aru Chor kurea nimete charge kurishe koishe.
Ageate, December 13 din te, Nirjuli Police khan Complaint paishe koishe ekta maiki laga haat para. Yete November 13 din te, tai laga handbag toh chor hoishe koishe tai laga gari para Karsinga Te. Yete tai laga bag te Rs 15,000 Cash, mobile phone aru SIM Card, aru etu toh tailaga SBI account te linked kuri kina ase koishe.
Aru November 14 aru 17 bitor te, Kunba para tai laga UPI chulai kina Poisa Rs 14,000 nishina transaction kurishe koishe tai laga bank account para. Yete Case [u/s 30392) BNS] toh registered kurishe Police khan para.
Police khan para koishe ki, eku maiki laga phone toh trace kurishe koishe, aru phone toh alak manu ke bikai kina thakhishe koishe Peso para. Aru yete para chor manu ke duribole parishe koishe. Aru taike arrest kurishe koishe.
Add Comment