DNSU Para National Worker Khan Laga Role Ke Question Kuri Asey; Victim Khan Ke Assault Kuria Nimitey Justice Demand Kuri Asey

December 22, 2024, 07:12 PM: Dimapur Naga Students’ Union (DNSU) para toh hoiley strong para itu ajikali hoa laga abduction aru assault hoa opor tey condemn kurishey, charta youth/ student khan laga, national worker khan para, Thahekhu village tey, chinta bishi hoi jai kena, itu group khan laga role opor tey aru tai khan laga action khan, tai khan nijey laga community against tey. Ekta press conference tey, Saturday tey, itu DNSU office tey, general secretary – Michael Kath para question kurishey, itu national worker khan toh hoiley, ki nijey laga manu khan ke dikdar diboley dukh diboley karney train hoa laga asey, na Naga community aru Nagaland ke bachaboley karney train hoa laga asey, ho, koi kena question kuri asey. “Eneka nishina kaam kuria toh tai khan ki nimitey asey utu toh ekdam ulta asey”, koi kena tai para state kurishey. Kath para assert kurishey ki, DNSU para toh hoiley active para itu case ke follow kuri asey, aru tai khan toh hoiley continue sai thakiboley asey, justice toh serve nahoa tak, koishey.