Nagaland Toh Hoiley Saatt Din Laga State Mourning Observe Kuriboley Asey

December 27, 2024, 07:32 PM: Itu India laga former Prime Minister – Dr. Manmohan Singh muri jawa nimitey, 26^th December , 2024 tey, New Delhi laga AIIMS Hospital tey, itu Home Department para toh hoiley notify kurishey ki, ekta respect laga mark kuri kena, itu muri jawa dignitary ke, saatt din laga State Mourning toh hoiley observe kuriboley asey, Nagaland tey, 26^th December, 2024 para shuru kuri kena, 1^st January 2025 tak tey, din khan bhi milai kena.

Itu homoi tey, itu National Flag toh hoiley flow kuriboley diboley asey, half-mast tey, sob jaga khan tey, itu State tey, kotey National Flag toh hoiley regular para flow kuri thakey. Tai khan para aru koishey ki, tatey toh hoiley eku official entertainment khan nathakibo, itu State Mourning laga homoi tey.