Abhinav Bindra, 2008 Olympic Gold Medalist toh Shooting khel te Highest Award baise. Etu Award toh International Shooting Sport Federation (ISSF) pora General Assembly, Munich te Friday din te dedese. Etu karne Indian Abhinav Bindra, ekta Arjuna Awardee pora Twitter te kotha lekhe kena etu Top Award baa khushi pora janaide thakise koise.
Etu Abhinav Bindra toh 36 sal dangor ase. Aro tai tai laga kahani te ekta bhal naam gaama toh Beijing Olympics te gamaa laga ase. Etubi kedia tai Indian Individual kan majutte ahke wala Gold Medal bai kena. Aro tai bi edia dak Indian manu kan majutte Olympic te Gold medal cheta toh khali tai ekela hi ase koise.
Tai bi 4 bar Gold Medal toh Commonwealth Games te bai kena ase. Etubi 2002, 2006, 2010 aro 2014 sal te. Aro etu oporte tai bi 2006 World Championship te Gold Medal baa laga ase koise. Etu hi nahui kena tai bi 2002 aro 2010 sal te Commonwealth Games te 2 ta Silver Medal aro 2006 te Bronze Medal baa laga ase koise.
Etu bejete ISSF President nemite sobse lamba huikena thaka Olegario Vazquez Rana toh Friday din te retire huise. Etubi 38 sal ISSF President nemite thaki kena. Etu karne Abhinav Bindra tai ke besi khushi baa aro salam diya kotha toh Twitter te lekhe kena janaise koise. Etu oporte ISSF laga General Assembly time te Raninder Singh, President, National Rifle Association of India (NRAI) toh etu ISSF laga Vice President nemite junidese. Etubi 4 jun Vice President nemite junidiya majutte.
Add Comment