Gaza, 16 January 2025: Israel aro Hamas khan Gaza laka ceasefire toh manzor hoishey aro hostage ke charidi boleh laka deal toh hubo 15 months war hoi kina, mediators Qatar aro US khan pra koishey. Qatari Prime minister Sheikh Mohammend bin Abdul Rahman AL Thani pra koishey agreement toh Sunday din pra effect te ahibo Israeli cabinet pra approved kuri kina. US president Joe Biden pra koishey etu toh Gaza laka jakara toh rukhai dibo, Palestinian manu khan ke lagi thaka humanitarian madat aro hostages khan ke taikhan nijor laka ghor manu ke lok pabo.
Israeli Prime Minister Benjamin Netanyahu pra koishey deal laka final details laka opor te echa b kam kuri ase, hoileh b tai Biden ke thanks dishey promote kura karne. Hamas leader Khalil al-Hayya ppra koishey Palestinian “resilience” laka result ase. Bishi Palestinians aro Israeli Hostages laka ghor manu khan news te kushi paishey, hoileh b war te eku let up thaki nai Gaza laka ground te. Hamas-run Civil Defense agency pra report kuri shey Israeli air strike toh 20 manu opor ke murai dishey Qatari announcement hoi kina. Taikhan 12jun manu ke milai shey kun residential block te thaki thaki shey Sheikh Radwan neighbourhood te Gaza city laka, enika koishey. Echa tak b Israeli military pra comment dinai.
Add Comment