January 17, 2025, 04:50 PM: Itu January muhina nimitey, District planning aru Development Board meeting, loishey, Deputy Commissioner laga Conference Hall tey para, Niuland laga, 16th January, 2025 tey, itu DC aru DPDB laga Vice Chairman – Sara S. Jamir laga chairmanship under tey.
Itu board para jawa muhina laga olop homoi laga review kurishey, aru Land aru Resource laga office laga building laga construction aru Notun Government Primary School khula laga opor tey deliberate kurishey, kotey itu house para bhal para discussion kuria pichetey itu proposal khan approve kurishey. Itu house para slab Culvert khan laga construction nimitey bhi recommend kurishey, Khuboto Town tey. Horticulture department para ekta power point presentation dishey, kotey tai khan laga itya chuli thaka laga project khan, scheme khan aru achievement khan highlight kurishey, itu district under tey. Itu power laga department ke, tai khan laga PowerPoint presentation diboley karney entrust kurishey, next DPDB meeting tey.
Itu house para, itu ahi thaka Republic Day Celebration laga kaam khan laga distribution laga opor tey bhi discuss kurishey. Itu meeting toh hoiley vote of thanks logotey khotom hoishey, itu chairman para deliver kuri kena aru tai para sob department khan ke request kurishey, ekta join effort aru contribution diboley karney, itu Republic Day laga conduct kuria toh successful hoboley karney.
Add Comment