January 24, 2025, 05:43 PM: Itu chuli thaka laga mati-kata laga kaam chuli thaka laga connection tey, ekta raasta banawa laga project nimitey, EAC – Yitachu Thur, NCS I/C Kiusam para, Kiphire district under tey, inform kurishey ki, tatey toh hoiley pura puri restriction thakiboley asey, itu sob kisim laga gari khan opor tey, aha jawa toh bon thakiboley, itu Zingki nodi aru Sangkumti Bosti majetey.
Itu restriction toh hoiley 7:30 AM para 4:00 PM tak thakiboley asey, 25th January para shuru kuri kena, 30th January, 2025 tak tey. Judi bimar manu khan hospital loijaboley laga asey aru government official khan duty jaboley laga nimitey exception thakiboley asey. Itu project laga in-charge ke lagi thaka arrangement implement kuriboley karney direct kuri di kena asey, itu public khan dikhdar pawa toh komti kuriboley itu kaam chuli thaka laga homoi tey. Aha jawa manu khan ke tai khan kot jaboley asey, itu nimitey dikdari nahoboley karney, thik thak para plan kuri kena ghor para ulaboley koishey, utu raasta para jaboley asey koiley.
Add Comment