Niuland Tey BBBP Laga 10th Anniversary Observe Kurishey, Niuland Tey

January 24, 2025, 06:04 PM: Itu Beti Bachao Beti Padhao (BBBP) Scheme laga 10^th Anniversary mark kuriboley, Niuland District Administration para Social Welfare Department logotey mili kena, ekta programme organize kurishey, 22^nd January 2025 tey, Deputy Commissioner laga Conference Hall tey para, Niuland laga. Niuland laga Deputy Commissioner – Sara Jamir para ekta keynote address deliver kurishey, aru itu pichetey pledge ceremony aru signature campaign kurishey.

DPO I/C, Sentimenla Pongener  para BBBP laga introduction deliver kurishey. Itu activity khan toh hoiley, March 8^th, 2025 tak thakiboley asey, stakeholder khan ke engage kuri di kena, School, Women group aru Local authority khan nishina.

BBBP Scheme toh hoiley, 2015 tey launch kuria laga thakishey, itu India laga Government para, gender  discrimination aru women empowerment laga opor tey chinta thaka toh address kuriboley, itu country tey. Itu BBBP scheme toh hoiley, citizen khan ke gender bias laga opor tey educate kuriboley aru chukri khan ke welfare service khan laga efficiency toh improve kuriboley aim kuria laga asey.