January 24, 2025, 06:12 PM: Itu pre-trail destruction, narcotic drug khan laga toh hoiley, itu Dimapur laga Chief Judicial Magistrate para approve kurishey, register kuri kena case khan laga matter khan tey, kotey pre-trial destruction laga criteria toh hoiley pura kuri kena thakishey, itu NDPS Act, 1985 laga hisap tey.
Itu Police laga Commissioner (CP) laga report laga hisap tey, 79 case khan toh hoiley register kurishey, 9 police station khan tey, NDPS under tey.
Itu District Drug Disposal Committee Dimapur toh hoiley Dimapur Police laga Commissioner para matha kuri kena chulai jawa laga asey, Dimapur, Chumoukedima aru Niuland laga SP (Crime), DCP logotey, tatey member khan para physical verification khan kurishey, itu drug khan laga, utu homoi tey, itu prosecuting inspector court office, Dimapur tey, 04/12/2024 tey, jawa saal.
Itu Narcotic drug khan ke toh hoiley DMC laga dumping ground tey para destroy kuri dishey, Burma Camp laga, itu Police laga Commissioner district adminsitration laga samney tey para, itu teenta district khan laga.
Itu destroy kuri kena drug khan laga detail khan toh hoiley ₹34, 82, 87,425 daam laga thakishey, aru itu saman khan toh ki-ki thakishey, nichetey di kena asey–
1. Brown sugar, shanflower, heroin – 9 kgs 741.15 grams,
2. SP Capsules/Nitrosen tab – 16,537 Nos
3. Crystal Meth – 05 kgs
4. Opium – 02 kgs 450 grams
5. Cough syrup – 17, 269 bottles
6. Opium straw – 2600kgs 7. WY tablets/Simplex-e – 1,34,203 Nos.
Add Comment