Pakistan laga 4ta Sindh district te, 36 hours bhitor te 8jun majotey komsikom 5jun maiki laga jaan jaisey, karo kari(honour killing) te.
Pakistan para hodai saal enaka ekso opor maut dikhey, aro etu laga bisibhak victims khan ke nijor laga family members para taikhan laga parivar laga somman ke bacchabole nimitey asey koikina moraidiye.
Etu ghotna khan tu ekta homoitey khali busti laga community khan te hey hoithakisey hoilebi etya pura Pakistan te seher area khan te bi hoi thakey.
Pakistan tu poisa khotom hoija aro atangwad para larayi kurithaka homoitey, maiki khan laga khilaf te julum kora para Pakistan laga izzat te aro ekta daag dhaliasey.
Reports hisap te Obaro osor te thaka busti Qabil Chachar te Bhoral Chachar koikina ekjun manu para tailaga chokra laga maiki, daughter-in-law Razia aro shaak kora hisap te tailaga premi Majid Chachar ke ekdam berehem para guli marikina moraidisey. Etu mujrim para hathyar logotey nijor ke authorities khan ke submit kuridisey aro koisey ki tai para taikhan duijun ke eksath dikha picheyte guli maridisey.
Authorities para etu murija manu khan ke osor laga hospital te post-mortem nimitey pathaidisey.
Bungul Dero, Larkana jaga te huwa aro ekta hats ate Riaz Brohi aro Samina Brohi koikina duijun mnau ke moraidisey. Doshi para etu jawan manu aro nijor laga maiki ke moraidikina polaisiley. Riaz Brohi tu olop din ageyte Dubai para wapas ahisiley.
Kanoon aro etu laga khilaf tea was utha tu tagra banaidiya laga bawajut enaka moraidiya tu chuli asey.
Add Comment