Kohima, 02 December: Sunday din Bamboo Hall Kisama jaga deh Department of Industries & Commerce aro Indian Chamber of Commerce melikena Nagaland Buyer-Seller Meet loise. Etu time deh guest of honour toh Advisor, Industries & Commerce, Imnatiba Jamir thakise. Kotha kora time deh guest of hounur pora programme deh ahha sob manu khan logode Hornbill laga wish kora thakise. East policy deh saijabole laga kaam laga kotha tai (guest of honour) pora kowah toh, South East Asian countries toh north east aro state of Nagaland serves pora suru hoise. General deh, ami khan ke backward mani aro special status category laga pethor deh rakhi. Hoilebe potential aro talent deh ami khan backward nahoi aro tusara khan pora komti nahoi, koikena Advisor pora janaise. Tai pora kowah toh, etu nesana tusara neighbouring desh aro state logode log kora pora bacha khan logode sasta khulibo aro ahhibole din time deh tusara state khan logode phal pora mela-meli thakibo. Etu nemide tai pora tusara desh laga official khan logode Kusama jaga laga stall owner khan logode kotha koribe kowah thakise. Tai pora ami khan laga farmers khan logode potentialities besi ase koikena janaideya thakise. Hoilebe ami khan laga state deh marketing thek-pora nathaga karni tusara khan logode eki-hobole napari koikena janaise. Ami khan laga state debe markets (tusara tax be melikena) uniforn pattern bonaiena nai koikena tai pora janaideya thakise. Etu pora ami khan laga producer (kethi pora saman ola khan) nemide market system toh ektum lagi ase, koikena janaideya thakise. Marketing aro storage facility lagi thaga deh, Air aro roads connectivity thek nathaga pora ami khan laga economy growth asti hoise, koikena tai pora aro janaise. Tai pora marketing system nemide menikena support koribo lagi koise. Aro commercial knowledge aro information lagi thaga debe kotha koribo lagi koikena janaise. Welcome address time deh Commissioner & Secretary, Industries & Commerce, L. G Chishi pora jama howah sob manu khan logode thanks janaideya thakise. Kotha kora time deh tai networking laga kotha kora thakise. Etu deh, tai pora producers aro consumers majode phal pora mela meli thakibole, nahoile agae jabole naparibo koikena janaideya thakise. Programme deh ahha sob manu khan logode festive phal pora namabe koikena janaideya thakise. Keynote address toh Regional Director, North East Indian Chamber of Commerce, Ishantor Sobhapandit pora janaideya thakise. Etu time deh tai pora kowah toh, Indian pora North, South aro West toh dangor koribole naparibo. Hoilebe India pora South East Asian countries dangor koribole paribo. Tai kowah toh, mainland India pora be North eastern states toh South East Asian countries osor deh ase. Tai pora be kushi powah kotha janaise. Kelay koile Nagas pora tai logode ektum phal pora welcome kora karni. Meet time deh, Bangladesh laga delegates, Imamuz Zaman of India- Bangladesh Chamber of Commerce & Industry, Chairman, Nepal Herbs & Herbal Products Association, Govinda Prasad Ghimire aro Bhutan Chamber of Commerce & Industry, Namgyel Wangmo thakise. Director, Industries & Commerce, Er. S. Temsulong Jamir pora vote of thanks kora thakise. Deputy Director, ICC, Pranom Dutta Mazumdar pora programme chair kora thakise.
Add Comment