Philippine, 7 February 2025: Philippines vice president Sara Duterte pra Friday din te koishey ki taila lawyers khan tayar kuri ase legal battle nimite taila ahibo leh impeachment trial karne hoileh refuse kuri shey kubo leh eni resignation toh option te ase nanai, tai ekta possible conviction toh preempt kuribo paribo leh kun toh taike bar kuribo president nimite koshis kuribo leh future te.
Duterte toh first time khota kuri thaki shey House of Representatives khan Wednesday din te taike impeached kura pichideh criminal charges laka raft te, tadeh President Ferdinand Marcos Jr. ke murai dibo leh plan kura milai kina, kun toh tai deny kuri shey. Marcos toh taila running mate thaki shey 2022 elections te hoileh b taijun olop namila hoishey.
News conference te, tai economic hardships underscore kuri shey aro koishey Filipinos laka live toh bishi biya hoishey saman khan laka dam bishi uthi ja nimite. Duterte pra koishey, Isor Philippines khan ke bachabi aro supporters khan ke huti shey social media te jai taikhan laka sentiments express kuribo leh rasta protests khan kura laka paal.
Add Comment