Kohima, 03 November: Monday din Highland Park, Kohima jaga deh World Disability Day programme thaga time deh, Governor of Nagaland pora civil societies, churches, NGOs aro state laga manu khan logode Divyangs deh support koribole janaise. Kelay koile tai khan logode society deh respect, equity aro security pabo karni. Governor Acharya pora kowah toh, ami khan nejor care nakorikena issues deh kotha kora aro World Disability Day mana toh kaam nathaga (meaningless) hobo. Tai pora kowah toh, Divyang manu khan nemide joldi janibole aro sabole laga steps toh lobo lagibo aro ami khan logode institution toh phal teachers logode thakibo lagi. Governor pora be Nagaland Parents’ Association logode kushi powah kotha janaideya thakise. Kelay koile tai khan Disabled, Department of Social Welfare, Government of Nagaland aro Nagaland State Legal Services Authority deh kaam laga role kori kena manu khan nemide support kori kena khara thaga karni. Tai pora be society phal bonabo karni sob manu eki logode melikena kaam korijabole janaideya thakise. Short speeches toh State Comissioner for Disablities, Dr Atha Vizol, Director, Scoial Welfare, Shri Merang Aier aro Member Secretary, NSLSA, Smti Mezibolu T Therieh, NJS pora kora thakise. Key Note Address toh Advisor, NAPAD Dr Joyce Angami pora anna thakise. Special songs toh G Rio School aro Shri Chuba Jamir (CJ) laga students khan pora kora thakisee. Event time deh Tabitha Enabling Academy pora Ballet Dance korise, Joe Foundation pora gana gaise, Cherry Blossom School aro G Rio School pora dance korise aro CJ pora entertainment korise.
Add Comment