Tawang, February 13, 2025: Tuesday rati te, Snowfall bishi giri kina, 3da Tourists Tripura para ahea khan ke Army khan para bachai she koishe, yete taikhan 8 ghanda nishina PT Tso Fishery, Tawang District laga te phasi kina thakhishe koishe.
Etu tourists khan toh Rohen Sarkar, Sahil Datta aru Raju Name ase koishe, taikhan Motorbike Hired kurishe koishe, yete jaga khan sabole nimete. Hoilebi yete shum phane snowfall bishi girea nimete taikhan wapas ahibole homoi te, Bike laga chaka toh bishi sleep aru skidded khan khai kina ahibole napare hoishe koishe.
Yete taikhan laga bike chari dikina theng para birtai kina Bunker ekta te jaikina rukhi thakhishe koishe, yete Sarkar para bi tai laga Hotel manu khan ke contact kurishe koishe, yete taikhan ke bachabole kunba ke pathabole nimete, yete taikhan rukhi kina 10 pm nishina hoishe koishe.
Yete Army khan tarika loi kina Bisarea suru hoishe koishe, aru taikhan ke bachai kina Army camp te loi jaishe koishe, aru taikhan ke gorom kapara, panni aru Kha laga saman khan bi dishe koishe. Aru Wednesday din te etu Tourists khan ke wapas Taikhan laga Hotel punchai dishe koishe.
Add Comment