Islamabad, February 15: Pakistan para Friday din te India-US para milikina ekta joint declaration kora te Pakistan laga khilaf te ekta reference kora tu condemn kurikina koisey ki etu tu “one-sided(ekta side laga kahani), gumrah kuridiya aro duita desh majotey baat chit kora laga nyom laga khilaf te asey.”
India-US para milikina diya statement te Islamabad ke 26/11 Mumbai attack aro Pathankot attack laga mujrim khan ke joldi-joldi sajai dilabole aro taikhan laga jaga ke dusra desh te atangwadi hamla kuribole nochabole koisey.
Foreign spokesperson Shafqat Ali Khan para hodai hapta kora ekta press briefing(matlab press ke jankari diya) te enaka koisey, “February 13, 2025 te India-US laga joint statement te Pakistan ke refer kurikina kuwa kotha tu amikhan para ekta one-sided, gala taro diplomatic nyom laga kilaf te asey koikina mania sey.”
Tai para enaka koisey, “Amikhan asurit asey ki Pakistan para US logotey milikina atangwad laga khilaf te kaam kora laga bawajut India-US laga joint statement te Pakistan ke enaka koisey.”
Khan para koisey ki Pakistan ke enaka kuwa para India para atangwad ke sponser kora, desh te gairkanooni tarika para moraidiya aro etu laga alava bi kiba kibi kora tu cover kuribo naparibo, nahi taikhan para etu dikha dikhi asliyat para International attention ke change kuridibo paribo ki .India tu Muslim aro dusra minorities laga khilaf te jurum kora laga mujrim khan nimitey ekta surakshit jaga asey.
Tai para enaka bi koisey, “Pakistan tu India ke military technology transfer kuribole plan kora laga bari te bi bisi chinta kuri asey. Enaka kadam para desh te military imbalance kuridiye. Enaka kora para South Asia te lamba lasting huwa laga shanti anibole mushkil kuridiye. Amikhan para amikhan laga international partner khan ke South Asia laga shanti aro security laga mamla ke pura milaikina sabole aro enaka position para dur thakibole kuntu khan tu one-sided aro hakikat para alag asey.”
Add Comment