February 15, 2025, 07:49 PM: Itu Mon District Planning & Development Board meeting loishey, 14th February, 2025 tey, itu Mon DC laga Conference Hall tey para, itu Deputy Commissioner aru Vice Chairman DPDB, Ajit Kumar Verma, IAS laga chairmanship under tey.
DC para tatey present thaka member khan ke welcome kurishey aru tai para itu notun member khan ke nijey ke introduce kuriboley karney koishey.
Itu last meeting laga olop homoi laga review kuri kena, DC para itu Aboi Area Students’ Union para application khan receive kuri kena thaka toh introduce kurishey, Science Stream laga up-gradation nimitey, GHSS Aboi tey. Itu house para discuss kurishey aru kotha kuri kena khotom kurishey ki, itu proposal toh hoiley genuine asey, kiley koiley science stream institution khan toh hoiley itu district tey lack kuri asey. Itu member khan sob mili ken aitu opor tey raazi hoishey aru concern department ke forward kurishey, approval nimitey. Itu house para itu SDO (C) Angjangyang ke ADC Hq laga upgradation karney bhi discuss kurishey.
Itu board para Mon District Athletics Association aru Angjang Consortium Society laga registration bhi recommend kurishey, sob lagi thaka document khan toh thik thaka aru complete thaka laga pawa pichetey. Itu house para itu governor laga visit opor tey discuss kurishey, itu district tey ahiboley laga. Itu laga regard tey, itu DC para itu sob department laga Head khan ke request kurishey, bhal para tyaar thakiboley karney, tai visit kuria laga homoi tey.
SDO (C), Mon, Ajit Kumar, IAS para ekta update present kurishey, itu Inter Departmental Tournament opor tey, kuntu toh hoiley itu Muhina tey kuriboley laga schedule kuria laga thakishey.
Add Comment