New Delhi, February 15: Bharatiya Janata Party (BJP) tu Saturday din te Chhattisgarh civic election te sob 10ta Mayor post bi jitikina ekta dangor jeet hasil kurisy. Etu result tu Chhattisgarh laga 173 urbn bodies nimitey vote ginti kora picheyte declare hoisey.
Etu election te jitiya tu Chhatisgarh BJP nimitey ekta yaad rakhibole laga din asey koikina, CM Vishnu Deo Sai para vote diya manu khan ke dhanyabad disey.
Etu Chief Minister para news agency ANI ke enaka koisey, “Etu tu Chhattisgarh BJP aro state government nimitey ekta etihasik din asey… BJP tu Chhattisgarh civic polls te ekta yaad rakhibole laga jeet hasil kurisey. Amikhan laga candidates para bisi vote paikina pura 10ta seat jitisey. Congress tu ekta seat bi jitanai…Amikhan para sob voters khan ke BJP aro PM Modi laga opor te bharosa rakha nimitey dhanyabad dibole mon asey.”
Etu election te Chhattisgarh laga voter list te thaka 72.19 % manu vote dhalisey. Koriya aro Gariaband district te sobsey highest vote dhala manu thakisey. Aro Bilaspur aro Raipur te sobsey komti thakisey.
Tatey 44,90,360 eligible voters thakisey. Kuntu majotey 22,08,625 mota aro 22,81,226 maiki aro 509 third-gender manu thakisey.
Result ola picheyte, BJP chief JP Nadda para Chhattisgarh laga BJP state president aro Chhattisgarh laga CM ke call urikina etu local bodes election te BJP bisi dangor jeet jeet hasil kora nimitey congratulate kurisey.
Add Comment