Shillong, 25 February : Meghalaya High Court Monday din St. Anthony’s Lower Primary School laga management ke notun building construct kuribo nimite instruction dise, jun laga architectural plans aru design age laga structure upor te substantially similar thakibo lage.
Chief Justice IP Mukerji aru Justice W Diengdoh laga bench, ekta PIL hearing pichhe order te koishe, “Sob kota situation consider kuri gina, ami school management ke notun building reconstruct kuribo nimite permission di ase, kintu itu building laga plan aru architecture age laga structure logot mila thakibo lage. Jodi approved plan revise kuribo lage, taile Meghalaya Urban Development Authority pora duly approve kuribo lage.”
Division bench Don Bosco Technical School management laga panch jon contemnors laga hearing bi loise. Tai khan court ke koishe ki itu 72 saal purana school building, jun 1949 pora 1952 majote construct hoishe, 2024 te structurally bishi weak paise, aru tai nimite large-scale restructuring, rebuilding aru renovation kuribo lage.
Contemnors laga hisab te, 2024 last te building tilt kuribo thakise, jun nimite immediate action loibo bishi important hoijai she, jate kunuba bishi dangor disaster nohoi.
Meghalaya Development Authority itu restructuring aru rebuilding plan approve kuri dise, aru tai laga heritage value upor te kunu question raise no kuri she, itu contemnors court te koishe.
Kintu court question raise kuri dise, ki nimite authority khan school demolish kuri dise jabole court vacation te thakise?
Bench contemnors khan ke March 17 majote affidavit file kuribo instruction dise, court laga queries upor te response dibole nimite. Next hearing itu March 19, 2025 te hobo.
Add Comment