Assam, February 27, 2025: February 27, Thursday din te, Assam laga Morigaon District, Phuzur phane, 5.0 magnitude earthquake toh ahishe koishe, yete Guwahati laga pura jag ate hilea toh janibole parishe, aru aru state khan bi. Nationa Center for Seismology (NCS) khan laga hisab te, etu mati hilea toh 2:25 am phuzur te thakhishe koishe, aru mati bitor te 16 kilometers thakhishe koishe.
NCS khan para yete janai dishe ki, etu EQ of M:5.0, On: 27/02/2025 02:25:50 IST, Lat: 26.28 N, Long: 92.24 E, Depth: 16 km, Location: Morigaon, Assam.
Assam toh Seismic Zone V te ase koishe, aru yete earthquake toh ahibole bishi chance ase koishe. Aru February 25 din tebi, 5.1 Magnitude laga earthquake toh ahishe koishe Bay of Bengal te. Aru etu toh Kolkata aru West Bengal laga alak jaga khan tebi hilea toh janibole parishe. Aru NCS khan laga report hisab te, etu hilea toh 6:10 AM phuzur te thakhishe koishe.
Etea tak etu earthquake para kunbi murea nai aru ghor khan bi ekubangea nai koishe.
Add Comment