Mexico, 27 February : Two-time Oscar winner Gene Hackman aru tai laga wife Betsy Arakawa Santa Fe, New Mexico, USA te nijor ghor te mora pwa hoishe, Wednesday, February 26, 2025 din.
Tai khan laga kukur bhi tai khan logote mora pwa hoishe. Gene Hackman 95 saal pura hoishe aru tai laga wife Betsy Arakawa 63 saal pura hoishe. Santa Fe County laga Sheriff Adan Mendoza itu mora laga confirmation di dise, aru koi ase ki foul play laga sign nai, but investigation cholithake.
Gene Hackman laga career 40 saal pora bi beshi cholithakise, aru tai 100 pora bi beshi character portray kuri dise. Tai duita Academy Awards jitise—Best Actor “The French Connection” (1971) te Jimmy “Popeye” Doyle role karone, aru Best Supporting Actor “Unforgiven” (1992) te Little Bill Daggett role karone. 2004 te tai acting pora retire kuri writing aru painting te focus kuri thakise.
Betsy Arakawa, ekjon classical pianist thakise, aru tai aru Hackman 1991 te biya kuri thakise. Tai khan Santa Fe te ekta ghor te thaki thakise, jun 1990 te Architectural Digest te feature hoi thakise tai laga unique Southwestern style karone.
Hackman laga first marriage Faye Maltese logote thaka time te tai laga tinjon baccha ase. Itu khobor entertainment industry aru fans khan karone bishi dukh ani dise.
Add Comment