Mexico, 27 February 2025: Ekta wide-ranging career 6 decades opor chula, Hackman kun duita Academy Awards jiti shey taila kam nimite te The French Connection and Unforgiven opor te. Santa Fe Country Sherif Nutun Mexico te, tadeh statement pra koishey, taikhan confirm kuribo pareh ki Gene Hackman aro taila maiki muri kina paishey Wednesday saam te taikhan laka ghor te, Sunset Trial te. Etu toh active investigation ase- hoileh b etu time te toh taikhan bisas kuri ase foul play toh factor nahoi koina. Hackman toh 95 saal thaki shey aro taila maiki- classical pianist- toh 63 thaki shey. Tai best actor Oscar jiti shey tai laka role karne Jimmy “Popeye” Doyle hoi kina, William Friedkin’s 1971 thriller The French Connection te aro best supporting act Little Bill Daggett laka role karne, Clint Eastwood’s Western film Unforgiven 1992 te.
Tai laka alak Oscar-nominated roles toh 1967’s Bonnie and Clyde te thaki shey- Buck Barrow hoi kina taila breakthrough role te, opposite Warren Beatty aro Faye Dunaway- aro 1970’s I Never Sang for My Father te, aro agent laka role play kuri kina Mississippi Burning te 1988 te. Santa fe Country Sheriff laka office pra koishey: 26 February 2025 te, 1:47pm nishina te, Santa fe Country Sheriff laka deputies khan phatai dishey ekta address te Old Sunset Trail te Hyde Park te, tadeh Gene Hackman aro taila maiki Betsy Arakawa, aro ekta kuta muri kina paishey.
Add Comment