United state, 28 February 2025: British-American influencers Andrew aro Tristan Tate- kun trial face kuri ase Romania te human trafficking laka charges milai kina- US te punchi shey Romanian prosecutors khan pra two-year travel ban toh olai dia pichideh. Andrew 38 saal aro taila brother Tristan 36 saal khan strongly taikhan laka against te allegation toh deny kuri shey. Taijun Bucharest pra depart kuri shey private jet te Thursday din morning te aro Florida te punchi shey olop ghanta par hoi kina, tadeh Andrew pra reporters khan ke koishey taikhan ke galti bhabi ase koina.
Romanian prosecutors khan pra koishey taikhan laka against te case toh drop hwa nai aro taikhan judicial control under te ase- matlab taikhan regularly authorities khan ke report kuri thakibo lageh aro Romania te wapas ahibo leh expect kuri ase. Hoileh b taikhan laka exit pra concerns sparked kuri shey ki prosecutors khan political pressure feel kuri shey Trump laka administration pra. US president pra koishey tai eku najaneh Tate brothers khan ke Romania pra chara dia laka.
Add Comment