Russia, 28 February : Russian chess grandmaster Boris Spassky 88 saal te moina hoise, itu laga khabor International Chess Federation (FIDE) laga general director Emil Sutovsky Reuters ke Thursday te koi dise.
Spassky, jun 1978 te French nationality loise, 10th World Chess Champion thakise, aru 1969-1972 te itu title dhori thakise. 1972 te American Bobby Fischer laga haat te Reykjavik te hari jaise, jun match ke “Match of the Century” koi janai thake.
“Ekta dangor personality chola jaise, anek generation laga chess players khan tai laga games aru kaam study kuri ase aru kuri thakibo. Itu desh karone ekta dangor haani ase,” Russian Chess Federation laga President Andrei Filatov TASS news agency ke koi dise.
Spassky sab te budha World Chess Champion thakise.
Add Comment