Promotion, Relegation System ke Introduce kuribo, Hockey India para

New Delhi, 28 February : Hockey India Friday din te Senior Women’s National Championship laga naya format unveil kuri dise, juntu March 1 pora 12 tak Panchkula te khelabo. Itu competition te 28 team thakibo aru tinta division—‘A’, ‘B’ aru ‘C’—te bhasibo.

Naya format laga aim hoile competition bishi improve kuribo, aru eki time te team khan ke performance hisab te higher division te jawor ba relegation howor pathway dibi.

Top 12 team Division A te khelibo, junke abar tinita team laga chara pools te bhasibo. Itu pool bitore league format te khelibo. Prati pool pora top duita team March 9 te quarterfinals te jabole, March 10 te semifinals thakibo, aru March 12 te final aru 3rd/4th place play-off hobo.

Last te thaka duita team next edition te Division B te jabo.

Division B te 9 team thakibo, aru itu khan Division A te promote ho bole khelibo. Idor te, Pool A te 5 team aru Pool B te 4 team thakibo.

Division C te 7 team thakibo aru itu khan Division B te promote ho bole try kuribo. Pool A te 3 team aru Pool B te 4 team thakibo.

Division C te sirf league match hobo, aru top duita team Division B te promote kuribo.

League stage te, tinita division te thaka team khan performance hisab te point pabo. Jiti le 3 point, draw kurile 1 point, aru hari le point napabo.

Division A te league stage nimite knockout round te end hobo, aru Division B aru C te league match laga final standings hisab te result anibo.

Division A

Pool A: Hockey Haryana, Hockey Association of Odisha, Hockey Karnataka

Pool B: Hockey Maharashtra, Manipur Hockey, Hockey Punjab

Pool C: Hockey Jharkhand, Hockey Mizoram, Hockey Unit of Tamil Nadu

Pool D: Hockey Madhya Pradesh, Hockey Bengal, Uttar Pradesh Hockey

Division B

Pool A: Telangana Hockey, Hockey Uttarakhand, Assam Hockey, Hockey Rajasthan, Hockey Association of Bihar

Pool B: Delhi Hockey, Chhattisgarh Hockey, Hockey Chandigarh, Hockey Himachal

Division C

Pool A: Kerala Hockey, Dadra & Nagar Haveli and Daman & Diu Hockey, Hockey Gujarat

Pool B: Hockey Andhra Pradesh, Le Puducherry Hockey, Hockey Arunachal, Hockey Jammu and Kashmir.