Meghalaya, March 1, 2025: Centre khan para Meghalaya laga Government ke, Rs 270 Crore Mati kinibole laga poisa dea toh, Byrnihat-Shillong Railway Project nimete dishe, etu poisa khan toh wapas mangea ase koishe.
Etu kotha te, Chief Minister Conrad K.Sangma para koishe ki, Centre khan para letter pathai she koishe State ke, yete etu funds dea khan toh wapas mangea ase koi kina.
Taibi shak ase koishe, yete State te railway Connectivity banabole duk hobo koi kina, aru koishe ki, etu project toh rukhibo parea, kile mane funds khan toh wapas dibole karne.
Sangma para koishe ki, Centre para agea tebi, State Government ke etu Project banabi, nahoilebi Poisa khan toh wapas kuribi koishe. Aru koishe ki, Central Government khan toh bishi diri narukhibo koishe.
Taikhan etu project toh bishi homoi karne nakuri kina ase koishe, kile mane taikhan alak alak Group khan laga haat para pressure khai ase, yete environment khan bia kuribo, manu khan kebi duk dibo aru bahar manu khan bi ahibo koishe. Etu jamala toh 2016 para ase koishe.
Nahoile taikhan laga planned kurea laga railway rasta toh, Bhoksong, Rajagaon, Baithalangso, Jengkha, Kherani aru Umrangso khan sop paar kuribo, aru Historical Town Jowai tak punchibo koi ase.
Add Comment