Jaipur, 3 March 2025: Abhay Singh, popularly IIT Baba koina janeh spot light te aha pichideh Maha Kumbh Mela time te, taike briefly detained kuri dishey Jaipur te Ganja(marijuana) lokot possession dura pichideh. Case b registered kuri dishey taila against te Narcotic Drugs and Pyschotropic Substances (NDPS) Act under te. Abhay Singh toh Indian Institute of Technology (IIT) Bombay graduate ase kun IIT Baba hoi kina popular hoishey Maha Kumbh te aro koishey tai tadeh jaishey taila truth laka quest karne kun toh spiritualism te lead kuri shey. IIT Baba ke detained kuri dishey police khan taila opor te khobor pa pichideh ki tai hotel te bhui ase Riddhi Siddhi jaka te aro ruckus banai ase. Cops khan jaka te punchi jaishey aro marijuana paishey tai laka haat pra, hoileh b olop he paishey.
Police khan pra taike chari dishey brief detention pichideh kileh maneh Ganja laka quantity toh permissible limit te thaki shey, officials khan pra koishey. Reporters khan ke khota time te detention pra chara pichideh, Singh pra koishey ‘prasad’ ase aro confirmed kuri shey tai laka against te case registered kuri shey. Tai koishey, Police khan moi thaka hotel te punchi jaishey aro moike detained kurii dishey, koishey taikhan khobor paishey moi ruckus kuri ase koina. Moi bhabi shey etu toh bishi alak excuse ase. Sop baba Maha Kumbh te Ganja toh prasad hoi kina khai, taikhan etu sop dhuribol?
IIT Baba pra koishey police khan questioning time te ki tai Aghori Baba ase aro tai custom te Ganja toh khai koishey.
Add Comment