United State, March 6 2025: US support Ukraine nimite laka future toh bishi doubt te ase, Kileh maneh National Security Adviser Mike Waltz pra Wednesday din te confirm kuri shey ki US khan Ukraine lokot intelligence share kura toh rukhai kina ase. Moikhan wapas step back kuri shey, Waltz pra reporters khan ke enika koishey kicha taike intelligence share suspend kura opor te huti shey. Tai aro koishey Trump laka administration khan rukhai kina ase aro etu relationship laka pura aspect review kuri ase. French President Emmanuel Macron olop deri hoi kina announced kuri shey European army chiefs khan laka meeting Paris te ahibo leh week te, televised speech te koishey ki France khan tayar thakibo lageh agae jabo leh US laka madat Natha kina. Macron pra koishey, Moi bisas kuribo mon ase US khan moikhan laka side te thakibo leh, hoileh b tayar thakibo lageh eni enika hoi koileh. Europe toh toh ‘nutun era’ te ase koina, Macron pra taikhan laka defence spending toh uthabo leh koishey. Tai aro koishey France khan Ukraine aro alak khan lokot, ekta durable peace plan tayar kuri na ase.
US khan Ukraine lokot intelligence share kuri shey Russia laka full-scale invasion laka early stages shuru hoi kina 2022 te. Kyiv te military aid toh rukhai dishey Monday din te, last week Oval Office te dramatic breakdown hoi kina, tadeh Ukraine president Volodymyr Zelenskyy ke koishey jai jabo leh US president Donald Trump lokot gusa meeting hwa pichideh. Echa b clear nai intelligence share toh rukha toh partial na complete ase, aro kiman deri effect te thakibo.
Add Comment