South Korea, 6 March 2025: South Korea te fifteen jun jokom hoi jaishey, duijun toh bishi biya pra, fighter jets pair galti pra eighta bombds girai dia pichideh civilians districts te live-fire military exercise time te, local media pra report kuri shey. Etu hatsa toh Air Force KF-16 aircraft involve hoi kina hoishey 10:04 local time nishina te, Pocheon city te, North Korea lokot border osor te. South Korean’s Air Force khan pra koishey taikhan investigate kuri ase incident toh aro nuksan nimite maaf mangi shey, koishey taikhan compensation dibo kun khan ke affect hoishey. Live firing exercises kura time te time time te shells khan civilians residences te giri, taikhan rarely nuskan hoi.
Local media reports hisap pra, duita manu taikhan laka gola aro shoulders te fracture suffer kuri shey. Ekta 60 saal manu kun gari chulai thaki shey kicha explosion toh hoishey, tai laka gola te shrapnel lagi shey, Yonhap report kuri shey. Taikhan pra koishey, Moi gari chulai thaki shey kicha bang koina huni shey. Moi kicha uthi shey, moi ambulance te thaki shey. Korea laka Air Force khan BBC ke statement te koishey, Moikhan laka KF-16 (jet fighter) abnormally eighta MK-82 bombs laka shells girai dishey. Etu firing range laka bahar te giri jaishey. Military khan pra koishey jets laka ekta pilot toh galti coordinates input kuri dishey galti pra, etu pra bombs girai dishey civilian community opor te.
Investigators khan echa b determine kuribo leh bachi kina ase kileh second jet tai laka bombs girai dishey, military khan pra koishey. Koishey sop live-fire exercise toh suspend kuri dibo.
Add Comment