March 12, 2025, 06:17 PM: Social Welfare nimitey Advisor – Wangpang Konyak para duita Advanced Life Support (ALS) ambulance khan didishey, Mon laga District Hospital tey, 11th March, 2025 tey.
Advisor, Wangpang Konyak para NHPC Ltd. laga initiative ke naam uthai dishey, state kuri kena ki, itu manu-laga-jeevan bacahaboley laga ambulance khan toh hoiley significant para critical thaka patient khan ke aid kuriboley asey, itu district tey. Health & Family Welfare nimitey Minister – P. Paiwang Konyak para tai laga guidance para Mon laga healthcare system toh improve hoi asey.
Itu welcome address deliver kuri kena, M.S, District Hospital Mon, Dr. Aman Konyak para NHPC Ltd. ke tai laga gratitude express kurishey, itu ambulance provide kuria nimitey, tai khan laga Corporate Social Responsibility (CSR) initiative under tey.
Tai para Mon laga Deputy Commissioner ke bhi thanks janaishey, continuous CSR support ensure kuri thaka nimitey, itu healthcare sector tey. Chief Medical Officer (CMO) para tai laga vote of thanks diya homoi tey, sob stakeholder khan ke thanks janaishey, tai khan laga effort khan nimitey aru akha thaka laga express kurishey, continue collaborate kuri thaka nimitey, healthcare facility khan majbut kuria nimitey, Mon tey.
Itu duita ALS gari didiya laga ceremony toh hoiley BPM Mon Block, Pongchai Konyak para chair kurishey.
Jawa hapta tey, Mon para duita ambulance khan aru duita hearse van khan receive kurishey, CSR support under tey, NHPC Ltd. para. Deputy Commissioner Mon, Ajit Kumar Verma para NHPC Ltd laga contribution ke acknowledge kurishey aru koishey ki, itu administration toh hoiley committed asey, health infrastructure toh upgrade kuriboley karney. Tai para medical department khan ke active para ki ki lagi asey utu sob toh agey ani kena diboley koishey aru bhi improvement khan kuriboley nimitey.
Add Comment