United State, 12 March 2025: Ukraine khan pra koishey taikhan tayar ase immediate 30 din ceasefire accept kuribo leh Russia lokot US pra proposed kura, US-Ukraine talks hoi kina ekdin pichideh Saudi Arabia te. US Secretary of State Macron Rubio pra koishey tai offer toh present kuribo Russia ke aro ‘ball toh taikhan laka court te ase’. Ukraine laka president Volodymyr Zelenskyy pra koishey echa toh US khan laka opor te Russia ke manzor hubo leh convince kuribo leh etu ‘positive proposal’ ke. Jeddah te Tuesday din laka talks toh first official meeting toh duita countries laka bich te hoishey Zelenskyy aro US president Donald Trump laka bitor te extraordinary clash hoi kina Oval Office te 28 February te.
Ekta joint statement te, US khan pra b koishey taikhan immediately intelligence sharing toh aro shuru kuribo aro security assistance b Ukraine ke, kun toh Washinton khan suspend kuri dishey unprecedented public row hoi kina White House te. US-Ukraine statement pra koishey, Duita delegations b manzor kuri shey taikhan laka negotiating teams toh name kuribo leh aro immediately negotiation toh shuru kuri shey enduring peace nimite kun toh Ukraine ke long term security dibo. Rubio pra press conference ke koishey Jeddah te late Tuesday din te ki tai hope kuri ase Russia khan proposal toh accept kuribo. Ukraine khan tayar ase shooting toh rukhabo leh aro khota shuru kuribo leh, tai enika koishey aro eni Russia khan offer tho reject kureh taikhan jani jabo ki peace toh impediment ase. Tai pra koishey, Aji, moikhan offer banai shey kun toh Ukrainians khan pra manzor hoishey, kun toh ase ceasefire te jabo leh aro immediate negotiations te.
Add Comment