Naharlagun, March 14, 2025: Yete Naharlagun Police khan para Chor manu 3da ke arrest kurea looi kina, taikhan para chor kurea laga Scooters khan bi alak alak jagapara paishe koishe, Itanagar, Seppa aru Assam para.
Etu operation toh Naharlagun PS OC Inspector K Dev, SI V Linggi, Head Constable Kato Samyor aru Punyo Tari aru Contables Debojit Borah aru Saanu Raj khan sob, Naharlagun SDPO Rishi Longdo laga Supervision Bitor te kurishe koishe.
Ekta Scooter toh Assam laga Bedeti para paishe, alak toh East Kameng District laga Seppapara, aru alak toh Itanagar para paishe koishe, etu te Rajiv Munda Alia Ambrus Munda (30) ke arrest kurishe Itanagar para. Etu chor hoa laga Scooter khan ke milai kina, Police khan Munda laga haat para aru Daam laga Camera bi paishe koishe, etu toh Taku Tayu para chor kurishe, Naharlagun laga A Sector para.
Add Comment