Mizoram te 7 saal Bacha Gana Kurea nimete, Amit Shah para Guitar Dishe Taike

Mizoram, March 16, 2025: March 15 din te, Home Minister Amit Shah para Mizoram laga 7 saal maiki bacha gana kurea laga, Esther Lalduhawmi Hnamte ke Guitar dishe koishe, tai State te ahea homoi te. Etu Guitar taike dea toh, tai para Aizawl laga Vande Mataram gana kuri kina, manu bishi laga mun choi dishe, etu nimete paishe koishe. Home Minister Shah para, Twitter te likhishe ki, Bharat ke morom kurea para muikhan sob ke ekta kuri dea koishe, aru tai Mizoram laga Bacha Esther para Aizawl te gana kurea toh bishi khushi paishe koishe. Home Minister Amit Shah toh 3da din karne Assam te thakhishe, March 14 Friday din tak, aru March 15 din te tai Mizoram te ahishe koishe. Yete Assam Rifles laga land Transfer Ceremony toh attend kurishe, yete taikhan mati toh Mizoram Government ke dishe koishe. Etu event te kotha kurea homoi te, Shah para Assam Rifles khan ke thanks dishe, yete taikhan manu khan ke modot kurea nimete.