Israel, 18 March 2025: Israeli military khan pra koishey taikhan “extensive strikes” kuri shey Gaza Strip te, tadeh Hamas-run health ministry khan pra report kuri shey ki at leasy 220 Palestinians ke murai dishey. Israeli Defense Force (IDF) khan pra koishey taikhan “terror targets” khan ke target kuri thaki shey Hamas khan laka. Mahmoud Abu Wafah, deputy interior minister Gaza te aro highest-ranking Hamas security official territory te, report kuri shey taike murai dishey hamla te. Etu sopse dangor wave ase airstrike laka Gaza te ceasefire toh shuru hoi kina 19 January te. Khota kura Gaza ceasefire toh extend kuribo leh failed hoi shey ekta agreement te ahibo leh. Bishi manu khan taikhan laka pre-dawn meal khai ase, Ramadan laka holy month hwa nimite, kicha Gaza te explosion toh shuru hoishey, witnesses khan pra janai dishey.
20 opor Israeli war planes uri kina jaishey, taikhan pra koishey. Planes toh Gaza city Radah aro Khan Younis te targets khan ke mara shuru hoishey. Israeli prime minister Benjamin Netanyahu aro Defence minister Israel Katz pra strikes toh order kuri shey Tuesday din morning te, PM laka office pra statement hisap te. Etu pra koishey, Etu toh Hamas laka repeated refusal hostages khan ke chari dibo leh pichideh hoi ase, aro sop proposal toh reject kura nimite kun toh US presidential Envoy Steve Witkoff pra paishey aro mediators khan pra. Aro koishey, Israel toh echa toh Hamas laka against act kuribo increasing military strength lokot. Strikes laka plane toh IDF pra present kuri shey weekend te aro political leadership pra approved kuri shey, enika koishey.
Add Comment