Canada, 18 March 2025: King Charles pra warm welcome dishey nutun Canadian Prime minister Mark Carney ke kicha tai Buckingham Palace te ahishey. Etu aro laka symbolic gesture thaki shey support nimite Canada nimite King pra, lal tie chulai shey, kun coded signals phatabo lageh khota te nahoi kina, kileh maneh Canada toh dhamki pai kina US president Donald Trump laka haat pra. Hoileh b King toh dikhai shey tai laka commitment Canada ke- aro enika tai laka cancer diagnosis nahoi leh toh, BBC khan buji ase tai intended visit nimite jabo leh thaki shey 2024 te. Suggestions khan b ase ekbar toh Canada laka election toh rasta pra bahar thaki shey, Canada te jabo leh toh priority thaki shey, tadeh tai support toh aro dikhabo pareh.
Nutun Canadian prime minister pra king ke koishey tai laka Order of Canada pin toh biya hoi jaishey aji morning. King pra dhamali kuri kina koishey, “Aro ekta lageh?”. King pra koishey, kam kuribo leh bishi ase, Carney ke seat dia time te aro, nahoi leh hope kuri ase biya hwa pin toh Commonwealth relationship laka symbol nahoi strain laka under te. King pra koishey, Etu khan toh important matters ase, 30 min khota hoi kina kicha attendance te kun b thaki nai. Carney olop deri hoi kina UK prime mine Sir Keir Starmer ke lok kuribo jaishey Downing Street te. Sir Keir pra duita countries laka bich te relationship toh hailed kuri shey aro koishey taikhan bishi common-shared history, shared values aro shared King ase. Carney pra koishey tai bishi grateful ase welcomes aro constructive discussion nimite Starmer lokot aro French President Emmanuel Macron lokot- kunke tai etu din earlier lok paishey.
Add Comment