Israel, 20 March 2025: Israel khan pra koishey tai khan laka ground operation extend kuri shey Gaza te, air strikes laka wave launch kura pichdieh kun toh Hamas-run health ministry pra koishey 430 opor manu ke murai disey dui din te. Israel Defence Force (IDF) khan pra koishey troops khan Netzarim Corridor tak punchi shey, kun toh Strip ke north aro south te bhak kureh. Gaza te nutun hamla kura toh fragile ceasefire deal khotom hwa toh mark kureh kun toh January pra shuru hoishey. Earlier, UN khan pra koishey duita manu- taikhan laka staff milai kina, muri jaishey taikhan lala compound te explosion hoi kina Deir al-Balah te. Ekta foreign ministry spokesperson pra koishey taikhan investigation launch kuribo hoileh b Israel khan ke blame kura toh denied kuri shey. IDF khan pra koishey taikhan “targeted ground activities” toh shuru kuri shey ekta “partial buffer banabo leh north aro south te” Gaza te.
BBC khan pra evacuation order dikhi shey jaka khan ke issued kura kute military khan hila dikhi paishey Beit Hanoun milai kina northern Gaza te. Taikhan bishi order issued kuri shey Gazans khan ke dangor jaka charibo leh territory’s mati border laka tinta side along te, suggest kuri shey ki ekta dangor wala ground operation toh joldi hubo pareh. Orders khan panic jaishey Palestinians families khan mojut te, tadeh bishi wala toh displaced hoishey bishi bar war pra aro wapas ghor te ahi jaishey ceasefire time te. Families khan ke dikhi paishey saman khan para tak bhukhi thaka aro theng pra nahoi leh cart aro gari pra birai thaka, safety bisaribo leh jaka khan pra kun toh Israel military pra marked kuri kina ase.
Add Comment