Mumbai, March 26: Salman Khan aro Rashmika Mandanna laga nutun film Sikander tu cinema te March 30 te release hobole asey. Etu release hobole ageyte, censor board para etu movie ke ekta U/A certificate logotey clear kuridisey. Hoi CBFC para etu film te chutu-mutu change anibole request kurisey, hoilebi etu film laga makers khan nijor para etu film laga length ke 14minute aro 28 second para katibole decode kurisey.
Etu film tu asol te 2 hours, 30 minutes laga thakisey. Hoilebi, etya olop katta-kati kora picheyte 2 hours 15 minutes aro 46 seconds laga hoijaisey. Purapuri 26 scene bodli kurisey. Etu film te changes ana majotey, “Offer aukat ke bahar tha” koikina dialogue thaka laga ekta scene ke bi hataidisey. Etu opor te, bisibhak one minute para bisi thaka scene khan bi hataidisey.
CBFC para suggest kora dusra changes khan tu “Home Minister” word para “Home” hataidibole aro ekta political party laga hoardings(poster khan) dikha tu sob blur kuridibole laga thakisey. Etu changes khan anikina, etu film tu CBFC para aro ekbar clearance paisey.
Sikandar tu AR Murugadoss para direct kurisey aro Sajid Nadiadwala aro Salman Khan Films para produce kurisey. Etu film te Rashmika Mandanna lead actress asey.
Add Comment