Jharkhand, 26 March 2025: Jakara olaishey duita groups laka bitor te Jharkhand laka Hazaribagh te Mangla Julus procession time te, Ram Navami laka agae te mana, Tuesday din rati te. Hatsa toh hoishey kicha group procession toh lead kuri thaka kunba gana bajai shey. Kun toh alak group khan kushi panai. Etu jhamala pra heated altercation hoi jaishey, kun toh joldi scuffle aro phator khan phika shuru hoi jaishey Hazaribagh laka Jhanda Chowk te. Police khan joldi kam kuri shey jhamala toh volatile nahubo leh, baton-charge kuri shey aro hawa te charta rounds fire kuri shey crowd ke disperse kuribo leh. Tradition hisap te, Mangla Julus procession toh hotai Tuesday din te kura holi pichideh Ram Navami te. Etu saal, Ram Navami toh April 6 te giri. Tuesday din te, kisim kisim Akharas loi shey Mangla Julus procession te. Ekta heavy police contingent phatai dishey jaka te law aro order rakhibo leh.
Hazaribagh deputy commissioner Nancy Sahay pra koishey situation toh echa peaceful ase aro control under te ase aro adequate forces phatai dishey jaka te. Sahay pra koishey, Ekta group toh gana bajai thaki shey procession time te, kun toh second group khan kushi panai, etu nimite scuffle hoishey aro phator phika shuru. Hoileh b aro dangor Jakara hwa nai kileh maneh forces khan tadeh thaka khan pra situation toh control kuri dishey. Union minister aro BJP MP Sanjay Seth pra Hemant Soren-led government ke lashed kuri shey etu incident laka opor te, koishey violence toh hotai hoi thaka pattern ase Jharkhand te. Minister pra assert kuri shey ki Bangladeshi infiltrators khan ke blame kuribo lageh law aro order biya kura nimite -ekta issue kun toh Home Minister Amit Shah pra uthai shey Assembly election time te.
Add Comment