Melbourne, 27 March : Singer Neha Kakkar pichla kunba din para news te thaki ase, karon bishi manu tai ke criticize kuri ase pichla hafta Melbourne te show karone 3 ghonta late ahibo karone. Tai laga Instagram account te ekta dangor note likhi kena itu bishoy ki hoi thakishe itu khan clear kuri dise. Tai koi thaki she ki, organisers khan sob taka loiyi kena palai jaise, aru tai to fans khan karone perform kuribo man kori thakishe jun khan tai karone rukhi thakishe.
Tai laga latest Instagram post te, Neha likhise, “Manu khan koi ase ki moi 3 ghonta late ahi she, kintu kunuba ekjon bhi bujhibo khatir ahise naki ki ki hoishe moi aru moi laga band logot? Moi stage te jabole homoi bhi kunuba ke kichu koi nai, karon moi napai kunuba ke punishment dibo, kintu iyyaka moi laga naam ahibo para, moi to koi lobole lagibo, tai itu ase!”
Tai laga note te likhise, “Tumikhan bujhi ase naki ki moi Melbourne laga audience karone ekdom free te perform kurishe? Organisers khan moi laga taka aru alak khan laga taka loiyi kena palai jaise. Moi laga band logote pani, hotel aru khanai bhi nadishe. Moi laga husband aru tai laga team jaiki khanai dibole hoishe. Itu sob hoijai bhi, moi aru moi laga team rest nohoi kena stage te jaiki perform kurishe, karon moi laga fans khan moi karone homoi rukhi thakishe.”
Social media te bishi video viral hoishe, jun te Neha loru thaki kena audience te sorry koi ase. Tai itu bhi koi thakishe ki tai aage thaka homoi compensate kuribo. Itu criticism ahibo para, tai laga bhai Tony Kakkar bhi tai ke support kuri ase aru Instagram post te likhise, “Artist maryada te thakibo lage, aru janta?”
Add Comment