Egypt, 28 March 2025: Egyptian authorities khan pra tourist submarine laka crew ke questioned kuri shey kun toh dupi jaishey Red Sea te etu pra 45 passengers thaka te cheita ke murai dishey. 39 alak passengers khan, aro pasta crew ke bachai dishey Thursday din te, Sindbad vessel toh 10:00 local time nishina te dupi ja pichideh, officials khan pra koishey. Nine manu jokom hoishey, tadeh charjun pra biya pra jokom hoishey. Group ke board te thaki shey vessel toh sightseeing kuri kina, coral reefs khan sai thaki shey Hurghada laka resort town laka. Duita bacha thaki shey chieta Russian tourist te kun murai jaishey, Russian media pra report kuri shey. Etu hatsa toh kina hoishey echa b clear nai. Sindbad toh operation thaki shey bishi saal nimite tourist submarine hoi kina. Red Sea governor, Amr Hanafy pra koishey 45 passengers Sindbad te Russia, India, Norway aro Sweden pra thaki shey. Pasta Egyptian crew members b submarine te thaki shey. Mr Hanady pra koishey mura manu toh sop Russian thaki shey hoileh b full details victims khan laka echa b release hwa nai.
Duita shadi hwa doctors b thaki shey mura manu bitor aro taikhan laka bacha toh hospital te ase, authorities khan pra koishey. Mr Hanady pra koishey submarine toh valid licence ase aro crew leader toh thik “correct certificates” thaki shey. Ekta investigation jaishey hatsa hwa opor te. Association of Tour Operation of Russia khan pra Telegram post te koishey submarine toh reef ke mari dishey aro subsequently pressure hari jaishey 20 metres laka deep te thaka time te. Russian tourists ekta growing role play kureh Egypt laka tourism sector te- ekta lifeline country laka ailing economy ke.
Add Comment