New York, 29 March : Owen Cooper, 15 saal umr laga actor, tai laga breakout performance Adolescence te kuri kena dangor popularity paise. Tai ekta teenager murder accusation fac kuri thaka role te itlaiki bishi powerful acting kuri kena worldwide recognition paise, aru fans sob excited ase tai next ki kuri bole ase jonno. Tai laga Hollywood debut bhi shuru hobo loi ase.
Adolescence te viewers ke impress kuri kena, Cooper upcoming film Wuthering Heights te main role te khelibo ase. Itu film Emily Brontë laga 1847 te likha classic novel pora adapt kuri kena ekta Gothic psychological drama hobo. Saltburn laga director Emerald Fennell itu film banaise, aru itu Catherine Earnshaw aru Heathcliff laga timeless love story ke ekta notun life dibo koi ase.
Wuthering Heights te, Cooper younger Heathcliff laga role te khelibo. Tai Oscar-nominated actress Margot Robbie aru Euphoria star Jacob Elordi logot kaam kuribo ase. Itu film te Robbie aru Elordi first time ek sathe khelibo, juntu Catherine aru Heathcliff laga iconic role te ase. Itu film Margot Robbie aru Emerald Fennell dujon mila kena produce kuri ase, aru February 13, 2026 te theatre te release hobo.
Wuthering Heights ahibo te, Owen Cooper ekta dangor naam hoijabo nishcha ase. Tai laga talent aru hard work already industry laga dangor-dangor manus aru fans laga mon jitiloijai ase, aru sob jon eagerly wait kuri ase tai laga next ki hobo jonno.
Add Comment