International

Gaza laga manu khan daba laga khana(canned food) khaikina buhiasey

12 months ago

UN relief chief para koisey ki  Gaza te Palestine laga manu khan para dabba laga khana khaikina zinda thaki asey koisey Israel para kha-luwa aro jaruri saman khan laga modod diya bon kuridiya nimitey, etu tu 10-din agey para suru hoisey. OCHA te humanitarian affairs laga chief, Tom Fletcher para United Nations Security Council ke koisey ki Gaza laga sob entry points tu bon thakisey aro etu nimitey kha-luwa bustu khan puchijaisey, dawai expire hoisey aro check-up aro iljam kora laga saman khan fasikina asey. Tai para koisey ki international law para illegal attack kora, modod aha tu block kora, rasta building khan bhanga aro manu khan ke bandi banaikina loija tu ban kurikina asey. Etu kanoon khan etya tak bi matter korey koiley, duniya para etu ke manikina chulibo lagey.

Fletcher para etu kotha tu enaka homoitey koisey jitya UN World Food Programme (WFP) para Friday te report kurisey ki taikhan logotey Gaza te khali 5,700 tonnes food stock(kha-luwa bustu laga stcock) bachikina asey. Eman khana tu World Food Programme laga kaam ke bisi hoilebi dui-hapta taak hey support kuribo paribo. 

Etu organization para koisey ki Israel para jaruri saman khan laga supply block kuridiya picheyte, kha-luwa bustu laga daam bisi uthijaisey. 25kg bag laga aata laga daam tu etya $50 hoijaisey. March 18 laga ageyte thaka daam para 400% bisi. 

March suru huwa logalog, Israel laga Prime Minister Benjamin Netanyahu para announce kurisey ki Hamas para Jnauary laga ceasefire deal laga first stage ke extend(barabole) agree nokora tak kha-luwa bustu aro jaruri saman khan laga modod tu Gaza te gusibole nidibo. 

Hoilebi Palestinian group para etu first stage tu extend kuribole mana kuridisey aro second stage faley agey bariasey kuntu te Gaza para Israel laga sipahi khan ke olaidibole aro etu war ke khotom kuridibole laga kotha chulibo. 

Northern Gaza laga Jabalia koikina ekta jaga laga market te, can(dabba) laga khana aro daami sobji khan hey pai asey. Sobji laga daam bisi hoija nimitey bisibhak manu khan  dabba laga khana(canned food) khaikina buhi asey.

Kha-luwa laga problem biya hoithaka homoitey, Gaza tu Israel laga attack jheli asey.