Imphal, 1 April : Ex-Manipur Chief Minister N. Biren Singh Congress party upor te dangor akhomot uthai dise, koi kina Congress Manipur laga Inner Line Permit (ILP) demand nakorikena state laga aspiration upor disregard dikhai dise.
Singh laga statement majote, Parliament session September 4, 2012 te Congress MP Dr. Thokchom Meinya ILP issue uthai thakile bhi, tai laga UPA government directly reject kori dise koi kina mention kori dise.
Singh Minister of State for Home Affairs, Mullappaly Ramachandran laga response refer kori kina janai dise ki Congress-led government ILP extend koribo no paribo koi kina dismiss kori dise, koi kina itu rule Arunachal Pradesh, Mizoram, aru Nagaland takhe limited thakibo lage.
Tai Congress upor empathy nakora aru Manipur laga unique history aru identity recognize nokora upor dosh uthai dise. Tai Congress laga state leaders khan state laga manu khanke itu rejection upor thik kore janai dise naki itu bhi question kori dise.
Singh aro Congress upor dosh uthai kina koi dise ki Congress historically Manipuris khanke second-class citizens nisina treat kori thakise. Tai 1949 Merger Agreement pichite Manipur Union Territory banai dise aru 1972 te murkhana statehood dibo pari dise koi kina janai dise. Tai Congress party deliberate neglect kori kina illegal immigrants khanke appease kori thakise, aru Manipur laga voice kabule respect nakora upor dosh uthai dise.
Singh BJP government, Prime Minister Narendra Modi aru Home Minister Amit Shah laga leadership te Congress upor contrast kori kina janai dise ki BJP 2019 te Manipur ke ILP dibo pari dise, jun dukhon saal para demand kori thakise.
Tai laga remarks ILP upor debate rekindled kori dise, aru BJP aru Congress majote Manipur laga governance upor political confrontation aro barai dise.
Add Comment