Aizawl, 1 April : Protected Area Permit (PAP), jun ekta travel document ase aru bideshi manu khan India laga kichu sensitive jagah te jabole lage, itu Mizoram te implement kora process majote ase.
State government itu step loi ase Centre laga directive hesapte, jun Mizoram, Manipur, aru Nagaland—Myanmar logote border share kora tinita northeastern state majote PAP reimpose koribo lage koi dise.
Mizoram laga Home Secretary Vanlalmawia koi dise ki state government PAP implement koribo karone step loi ase, jun Restricted Area Permit (RAP) bhi koi thake.
“PAP implement kora process majote ase. Union Home Ministry laga directive hesapte, Lengpui airport te ekta holding area identify kori ase,” koi kina Vanlalmawia PTI ke janai dise.
Tai aro koi dise ki state government Centre ke urge kori dise ki Mizoram capital Aizawl te ekta designated office khulibo lage bideshi manu registration aro easy koribo karone, nohoile nearest Foreigners Regional Registration Office (FRRO) Kolkata te ase.
Tai koi dise ki PAP full implement no hoile bhi, authorities aru law enforcement agencies alert te thakibo.
Arunachal Pradesh, Sikkim, Manipur, Nagaland, aru Mizoram pura protected area define kora ase, aru Jammu and Kashmir, Himachal Pradesh, Rajasthan, aru Uttarakhand laga kichu part bhi itu majote ase.
2011 te Centre Manipur, Nagaland, aru Mizoram para PAP regime relax kori dise tourism boost koribo karone, aru Afghanistani, Pakistani, aru Chinese khan chara baki sob bideshi khanke exemption di dise.
Etu relaxation time-to-time extend kora hoise aru December 2027 tak valid thakise. Kintu December last year te Ministry of Home Affairs reimpose kori dise Mizoram, Manipur, aru Nagaland majote, security concerns barha manu influx karone.
Aru Chief Minister Lalduhoma accuse kori dise ki kichu bideshi manu Mizoram ke transit route nisina use kori kina Myanmar te jai military training di thakise pro-democratic forces khanke, jun karone PAP reimpose kora hoise.
Add Comment