Imphal, April 2, 2025: Security Forces khan para Manipur te Operation kuri kina ,pasjun ke arrest kurishe koishe. Aru etu toh alak alak operation para arrest kurishe koishe.
Ekta PREPAK-PRO ke toh April 1 te arrest kurishe. Tai toh Kakching District laga Wangoo Chairel aru Pangaltabi jaga para durishe koishe Tai toh manu khan ke damki dikina poisa mangi thakhishe koishe Tai toh Moirangthem Roshan Singh (40) ase koishe. Tai laga haat para Ekta Mobile phone durishe.
Alak operation te Security Forces khan para Jamminthang Haokip (28) ke arrest kurishe. Tai laga haat para bahar country laga Mudu thakhi kina durishe koishe. Yete 3da box te 72 Half Litre Plastic Bottles paishe. Aru etu eki din te, Police khan para Seram Suraj Meitei (25) ke arrest kurishe. Tai toh Facebook laga Admin ase, aru tai para nakili khobor dea karne durishe koishe.
March 31 tebi, Manipur Police khan Operation kuri kina, Duita manu ke arrest kurishe. Ta dujun toh Wahengbam Binanta Singh (45) aru Hijam Gogoba Singh (44) ase koishe. Tai dujun bi Imphal East District te thakhea manu ase koishe. Tai dujun toh Bitor manu laga kaam kuri thakhishe koishe, yete damki khan marea nimete.
Add Comment