United State, 3 April 2025: Donald Trump laka decision nutun tariffs impose kuribo leh sop saman khan te kun toh US te ahi ase, major blow ase duniya laka economy opor te, European commission chief Ursula von der Leyen pra koishey. Tai laka khota toh alak countries khan tak jaishey, China milai kina. Kun toh move opor te opposition expressed kuri shey aro warned kuri shey resolute countermeasure lubo US laka against te. Taikhan laka warning toh ahishey kicha Trump pra universal 10% tariff announced kuri shey sop imports te US te April 5 pra. 60 countries nishina ke etu steeper tariff pra lagibo April 9 pra.
US president pra koishey measure toh payback thaki shey unfair trade policies karne, aro koishey tai toh bishi morom thaki shey tai laka decisions opor te. Trump pra koishey tariffs toh chulabo US manufacturing boost kuribo leh, Wednesday din te koishey ki move toh America ke aro dhuni banai dibo. Thursday din morning te statement dia time te, von der Leyen pra koishey nutun tax imports toh uncertainty spiral dikhibo, dire consequences kuribo millions manu karne. Tai pra sopse vulnerable countries opor te impact toh emphasised kuri shey. Aro koishey nations pra kunba toh subject hoishey sopse highest US tariffs laka.
Von der Leyen pra vowed kuri shey ki Europe toh unified approach lubo aro warned kuri shey ki European Union- kun toh 20% tariff laka subject ase- countermeasures nimite tayari kuri ase negotiation toh nahoi leh. Tai pra koishey, tui eni moikhan pra ekjun ke khili leh, tui moikhan sop ke khileh. Negotiation alak EU members states laka bitor te next week shuru hubo, Bernd Lange, kun European Parliament Committee toh chair kureh International Trade te, tai pra koishey.
Add Comment